Мэдээ Мэдээлэл - MONGOLTOWN.COM

Япончууд Асашёорюvг барилдах итгэлгvй болсон хэмээн мэдээлжээ

admin — Thu, 12 Mar 2009 09:28:00 +0500

Мэргэжлийн сvмод эзэн хааны цомыг 29 насандаа 23 удаа хvртээд буй их аварга Асашёорюvгийн тухай Японы “Спортс Ниппон” сонины энэ сарын 8-ны өдрийн дугаарт “Удаан хугацаанд барилдах итгэлгvй болсон” хэмээн бичжээ. Тэрбээр урьд өдөр нь Осакад “Такасаго” дэвжээг дэмжигчдийн уулзалт болоход “Ирэх жил гэхэд Осакад дахин барилдах vгvйгээ хэлж мэдэхгvй. Тиймээс одоо хайртай хот Осакад хамаг хvч чадлаа зориулан тvрvvлэхийн төлөө барилдана” хэмээсэн нь олны анхаарлыг татжээ. Vvнд зарим нэг нь шvvмжтэй хандаж байгаа бөгөөд vvнээс vvдэн олон янзын таамгийг ч дэвшvvлээд байгаа аж. Их аваргын хувьд сvмогийн тvvхэнд дөрөвдvгээрт эрэмбэлэгдэх амжилт vзvvлээд байгаа юм. Харин тэрбээр монголчууддаа хэлэхдээ “Дээд амжилтын төлөө бvх хvчээ дайчилж, олон жил элэг нэгтнvvдээ баярлуулна гэсэн” билээ

Монголын мэдээ

"Хар тас"-ын Марка буюу И.Бадмаараг: Яагаад харийн бvсгvйг эх орондоо авчраад цусаа сэлбэж болохгvй гэж

admin — Thu, 12 Mar 2009 09:22:04 +0500

Монголын хип хопын “хөгшин” партизануудын нэг “Хар тас”-ын Маркаг урлагтаа vнэнчээр vлдсэн нэгэн гэдэг. Нэгэн vе ид хит болж байсан “Бvрхэг тэнгэр”-ийн эзэн тэрээр “Зvрхний цохилт” нэртэй цомог гаргаад удалгvй юм vзэж нvд тайлахаар Францыг зорьсон юм.

Гурван жил гаруй Францад ажиллаж, сурч байгаад ирсэн Марка Дээгий, Амраа, Хэрлэн нарын эх орончидтой нэгдэн уран бvтээлээ хийхээр болжээ. Ингээд тэдний шинэ уран бvтээлийн нээлтээр уулзаж ярилцснаа толилуулж байна.

”Хар тас” Маркагаар сонин сайхан их л биз дээ. Уншигчидтай маань хуваалцаач.
Нэлээд даацтай уран бvтээл хийж байгаа гэж хэлж болно. “Хар сарнай”-н Амараа, Дэлгэрмөрөн, “Элькондор”-ын Хэрлэн, уртын дуучин Оюунжаргал, хөөмийч Наранбат болон миний бие морин хуурын чуулга, VДБЭЧ нарын бvрэлдэхvvнтэйгээр “Vндэсний цаг” нэртэй дуун дээр ажиллаж байна. Дуугаа Монголын vндэсний баяр цагаан сараас өмнө амжиж гаргахаар их шургуу ажиллаж байгаа гэж хэлж болно. “Vндэсний цаг” дууны шvлгийг З.Соёл-Эрдэнэ бичиж, аяыг нь би зохиосон. Дэлхийн эдийн засгийн хямрал хvссэн хvсээгvй Монголд нөлөөлөөд эхэллээ шvv дээ. Vvнийг монголын ард тvмэн багаараа ажиллаж, эвтэй байж, vндэснийхээ vйлдвэрлэлийг дэмжиж байж л давж гарна гэдгийг дуугаараа харуулахыг зорьсон. Дууны маань нээлтэнд Монголын нөлөө бvхий vндэсний vйлдвэрлэгч компаниуд хvрэлцэн ирсэнд баяртай байна. Монгол хvн амны бэлгээрээ гэдэг шvv дээ. Энэ бол энэ баяраар ард тvмэндээ өгч байгаа бидний бэлэг.

Дууныхаа нээлтийг их өөрөөр сэтгэж хийжээ. Мэдээж клипжvvлнэ биз дээ?
Монголд анх удаагаа Драмын театрын тайзнаас хөгжимчид, бvжигчид нийлсэн нvсэр баг хэвлэлийн бага хурал зарлалаа. Клипний хувьд хоёрын хооронд юм хийхийг хvсэхгvй байгаа учир Монголын хамгийн сайн студитэй хамтарч ажиллах болно. “Vндэсний цаг” дууны клипэнд 1000 хол давсан хvмvvсийг оролцуулж, шинийн гуравнаас эхлэн зураг авалт эхэлнэ гэсэн төлөвлөгөөтэй байгаа.

Ингэхэд Францад багагvй хугацаанд байж байгаад ирсэн. Явсан газрынхаа сониноос яриач?
Францад гурван жил гаруй болсон. Яахав бусад оронтой харьцуулахад тэнд ажил хийнэ гэдэг vнэхээр хэцvv. Санасны зоргоор юм биш. Хааяа Германд очиж ажил хийдэг байсан. Гол нь биеэ эмчлvvлэх гэж явсан л даа. Ямар ч байсан эмчилгээ сайн хийлгэсэн болохоор батерейгаа сайн цэнэглэсэн. Франц бол соёл урлагийн өлгий нутаг учраас их ч юм сурлаа. Одоо сурснаа Монголдоо хэрэгжvvлэх, өөрийн гэсэн өнгө төрхтэй студитэй болох, амьдралаа төвхнvvлэх зорилго тавиад явна.

Урлагийн төлөө гэх энэ сэтгэл танай гэр бvлийн хvмvvжилтэй холбоотой байх. Аав ээж чинь урлагийн хvмvvс vv?
Тийм ээ, гэр бvлийн хvмvvжил vнэхээр чухал ш vv. Гэр бvл маань урлагийн хvмvvс гэж хэлж болно. Манай аав Индрээ гэж хөгжмийн зохиолч байлаа. Дуучин Адарсvрэн агсан аавын маань зохиосон олон дуунуудыг дуулж тvмэнд хvргэсэн. “Тэрхийн цагаан нуур” гэж сайхан дуу Монголын радиогийн алтан фондод байдаг. Ер нь манай гэрийнхэн бvгдээрээ төгөлдөр хуур тоглодог. Эгч бид хоёр Соёлын коллежийг төгөлдөр хуурч мэргэжлээр төгссөн.

Маркагийн жинхэнэ нэр Бадмаараг биз дээ. Ийм гоё нэрээ яагаад Марка болгочихсон юм бэ?
Манай том эгч хvvхэд байхдаа Бадмаараг гэж хэлж чадахгvй Маараг гэж дууддаг байсан нь сvvлдээ Марка болчихсон юм. Би хvvхэд байхдаа энэ нэрэндээ жаахан дургvй байсан. Сvvлдээ дасчихдаг юм байна лээ.

Сая амьдралаа төвхнvvлэх гэж явна гэж ярилаа. Унгар бvсгvйтэй сvй тавьсан гэл vv?
Унгарын эрлийз найз бvсгvйтэй болсон. Одоо тvvнтэйгээ Монголд хамт амьдарч байгаа.

Хэтэрхий хувийн юм асууж байгаа бол уучлаарай. Найз бvсгvй чинь монголоор ярьдаг уу?
Найз бvсгvй маань монгол хэл сайн мэддэг. Эдийн засагч мэргэжилтэй хvн бий. Тэр маань Монголд нэлээн юм хийсэн хvн гэж би боддог юм. Манай нөхцөлд амьдраад аль хэдийн дасчихсан.

Маркагийн хувьд хоёр дахь удаагаа амьдрал зохиож байгаа болохоор энэ удаа нэлээн хянуур хандсан байх?
Маш их бодсон шvv. Одоо бол өөрийнхөө шийдэлд бат зогсож байгаа.

Та хоёр хаана танилцаж байв?
Монголд танилцсан л даа. Одоогоос 12 жилийн өмнө МУГЖ Т.Ариунаагийн тоглолтон дээр танилцаж байлаа. Би тэр vед “Vггvй мордсон чи минь” дууг Ариунаа эгчтэй дуулсан юм. Миний улаан фен байсан гэж одоо ярьдаг юм.
Их эртний танилууд юм байна. Ингэхэд охиндоо сайн аав нь байж чадаж байна уу?
Охинтойгоо долоо хоног болгон уулздаг. Сайн аав байхыг хичээдэг, тvvндээ би маш их хайртай. Цаг хугацаа хурдан юмаа. Алтжин маань одоо 9 настай. Амьдралын маань баяр баясгалан болсон охинтойгоо хамт амьдрахыг хvсдэг.

Уучлаарай охиндоо ийм их хайртай мөртлөө яагаад хамт амьдрахгvй байж чадаж байна аа?
Яахав дээ, Энэ миний л амьдрал. Би фитнесс Уянгаас салаад таван жил болж байна. Энд залуу хосуудад хандаж хэлэхэд гадаад руу олон жилээр явж тусдаа амьдрах хамгийн буруу сонголт гэдгийг хэлэхийг хvсч байна. Олон жил тусдаа байхаар эргээд хамт амьдрахад хvндрэлтэй болдог юм байна лээ. Vнэхээр гадагшаа явах хэрэгтэй бол хайр дурлалаа хамгаалахын тулд хамтдаа яваад, хамтдаа ирэх хэрэгтэй гэж зөвлөмөөр байна. Бидний салалт бие биенээсээ хол олон жил байснаас болсон болов уу гэж боддог.

Харийн бvсгvйг эхнэрээ болгосон атлаа эх оронч vзлийг шингээсэн уран бvтээл гаргана гэж ярихаар хvмvvс шvvмжлэлтэй хандах байх даа? Ер нь Марка гэж хэн бэ?
Яагаад харийн бvсгvйг эх орондоо авч ирээд Монголдоо амьдарч, цусаа сэлбэж болохгvй гэж. Миний хvvхдийн оюун тархи өөр байг л дээ. Тvvхээс харвал 13-р зууны vед Унгар, Солонгосчууд хөх толботой төрдөг гэдэг утгаараа Монголчуудтай цус нэгтэй гэж vздэг шvv дээ. Харин Хятадууд бол өөр. Ясны өшөөтэй. Гэтэл охидууд маань өнөө маргаашийг хараад тэдэн рvv хошуурцгаах юм.

Ер нь эрчvvд бид цуглаад ярихаараа энэ сэдвийг хөнддөг болоод байгаа. Ярих биш урлагаараа vvнийг дамжуулж хvмvvст ойлгуулна. Би хамт олон, найз нөхдөөрөө хvрээлvvлж явах дуртай. Би ч найз нөхөддөө гайгvй таалагддаг юм болов уу гэж боддог. Маркагийн сэтгэл руу орж vзье гэвэл миний дуунуудыг сонс. Тэндээс намайг олж харж болно

Зиндаа

Ц.Мянганбаярын алт сураг алга

admin — Wed, 11 Mar 2009 12:22:44 +0500

Монгол газрын Ц.Мянганбаяр өдгөөг хүртэл олимпын аваргуудад амласан таван кг алтаа өгөөгүй байна. Уг нь тэрбээр амласан алтаа байгууллагынхаа шинэ жилийн арга хэмжээний үеэр өгнө гэж төлөвлөж байгаа тухай мэдээлэл тарж байсан. Энэ тухай сонссон хүмүүс бизнесмен эрийн давхар ухаан яах аргагүй мөн. Аваргуудаа баярлуулахын зэрэгцээ хөдөө хөхөрч гадаа гандаж байдаг ажилчдаа ч олимпын аваргуудтай уулзуулж, зураг хамт татуулах боломж олгох нь дээ гэж таамаглаж байсан. Гэтэл энэ тухай мэдээлэл өдгөөг хүртэл алга байна. Олимпын аваргуудтайгаа хамт өөрөө өвөх гэж байгаа юм шиг хүлээсэн энгийн иргэд “Уг нь өгсөн бол өгөлцөж авалцсан хэн хэн нь хэвлэл мэдээллийн хэрэгсэлээр тодоос тод гарах л ёстой, өгөөгүй л бололтой. Н.Түвшинбаяр, Э.Бадар-Ууган хоёр эр хүн болохоор өгөхгүй байна. Хэрэв сайхан хүүхэн байсан бол аль хэдийнэ зуун хувь давуулаад гардуулчихсан даа” гэж төвөгшөөж байна

Factnews.mn

УИХ-ЫН гишүүдийн туслахууд ордондоо үлдэнэ

admin — Wed, 11 Mar 2009 12:05:19 +0500

Бүрдээд удаагүй байгаа парламентийн танхмын гишүүдийн толгойны өвчин өдгөө хэнийг ажлаас халах, хэний цалин, тэтгэмжээс хумслах билээ гэдэг асуудал болоод байна. Ерөнхийлөгчийн сонгууль дөхөж байгаа нь парламентад суудалтай намуудыг олонд таалагдах шийдвэр гаргахыг улам бүр шахамдуулж байгаа нь олонд ил. Ядаж байхад яр гэгчээр ордон дүүрэн туслахууд, судалгааны ажилтангууд хүртэл тэдэнд нэмэр дээр нэрмээс болж байна. Хэн нь ч ялгаагүй эрх мэдэлтэй хэн нэгний татаас түлхээсээр энэ ажилд орсон болохоор ажилгүй болчихгүй байлгүй гэсэн битүүхэн итгэлтэй байгаа бол УИХ-ын гишүүдийн хувьд хэнийг нь хоолноос нь салгах тухай зайлшгүй бодох хэрэгтэй болж байна. Эцэст нь зарим нэг нь албан бичиг ч төлөвлөж мэдэхгүй гэсэн үнэлгээ авсан туслахуудаа биш судлаачдыг халах нь зүйтэй гэсэн шийдвэрийг олонх нь дэмжиж байгаа гэнэ шүү

Factnews.mn

Арилжааны банкны зээлийн хүү нэмэгдэх боломжийг Монголбанк бүрдүүллээ

admin — Wed, 11 Mar 2009 10:37:59 +0500

Монголбанкны захирлуудын зөвлөл хуралдаж төгрөгийн үнэ цэнийг хадгалж, ханшийг тогтвортой барих шийдвэр гаргажээ. Шийдвэр ёсоор Төв банкны бодлогын хүү өмнө нь 9.5 хувь байсан бол өнөөдрөөс 14 хүртэл өсөх болж байна. Энэ шийдвэр арилжааны банкуудын зээлийн хүүнд нөлөөлж, нэмэгдэхийг Монголбанкны ерөнхийлөгч Л.Пүрэвдорж үгүйсгэсэнгүй. Энэ шийдвэр хэрэгжиж хүү ийм өндөр болох нь төгрөгийн хадгаламжийн хүү өсч, иргэдийн хадгаламжаа төгрөгөөр хийх нөхцөл бүрдэнэ гэж Төв банкныхан үзэж байна. Эцсийн дүнд өнөөдөр иргэдийн амьжиргааны эх үүсвэрт голлох байр сууриа эзэлдэг арилжааны банкнуудын зээлийн хүүг өсгөх боломжийг Монголбанк бүрдүүлж “бэлэг” барьж байна

Factnews.mn

Л.ГҮНДАЛАЙ хурал тараахдаа гаргуун

admin — Wed, 11 Mar 2009 10:35:30 +0500

Шинэ долоо хоног бүрийн даваа гарагт УИХ-ын намын бүлгүүдийн хуралдаан тарахыг хүлээнэ гэдэг сэтгүүлчдийн хувьд амаргүй даваа байдаг. Одоохон, таван минут, хагас цагийн дараа тарах гэж байна гэсэн тайлбар сонссоор өдрийн талыг хүлээж бардаг сэтгүүлчдэд сүүлийн үед хамгийн туслалцаа үзүүлдэг хүнээр Л.Гүндалай тодроод байна. Тэрбээр хуралдаан орох гэж алхах замдаа хүлээж цөхсөн сэтгүүлчдэд “Би ороод тараачихъя. УИХ-ын гурван хуралдааныг тарааж байсан хүн бүлгийн хуралдааныг тараах юухан байх билээ” гэж амладаг. Энэ үгний цаана “Би Л.Гүндалай байна, миний төвөргөж явсан тэр цагийг мартаагүй л биз дээ” гэсэн өнгө аяс цухалзаж байдаг. Ямартай ч МАХН-ын бүлэгт Л.Гүндалай шиг нэг нөхөр байвал бүлгийн хуралдаан сунжрах нь арай л бага байх ч юм билүү, хэн мэдлээ

Factnews.mn

Хоёрхон сарын хугацаанд 229 хvн золгvй байдлаар амиа алджээ

admin — Wed, 11 Mar 2009 09:13:36 +0500

Зөвхөн золгvй байдлаар гэхээр энэ vндэсний эмгэнэл биш гэж vv Энэ он гарсаар эхний хоёр сарын байдлаар 229 хvн золгvй байдлаар хорвоогоос хальжээ. Энд ямар нэгэн гэмт хэрэгт өртсөн огт ороогvй тоо юм. Өөрөөр хэлбэл аливаа зvйлд хордож, амиа хорлох, хөлдөх зэрэг нь золгvйгээр амиа алдагсдын бvлэгт орно. Өнгөрсөн жилийн мөн vетэй харьцуулахад золгvйгээр амиа алдагсад 14 тохиолдол буюу 5,8 хувиар буурсан мэдээ байна. Гэсэн ч бvтэн жилээр нь харьцуулж vзэхэд сvvлийн жилvvдэд золгvйгээр амиа алдсан хvний тоо нэмэгдсээр байгаа гэнэ. Тухайлбал 2008 онд энэ тохиолдол өмнөх онынхоос 57 -оор илvv байжээ. Тэгэхээр өнгөрсөн онд дээрх тохиолдлоор нэг жилийн дотор 945 хvн ертөнцийн мөнх бусыг vзсэн байх юм.

Өчигдөр 20.30 цагийн байдлаар манай улсын хvн ам хоёр сая 692 мянга 625 байлаа. Тэгэхээр энэ тооны хvн амаасаа жил бvр 945-ыг алдаад байвал юу болох вэ. Дайны сvvдэрт автсан Афганистаид ч сард тэр байтугай нэг жилд ч манайх шиг тооны хvн амиа алддаггvй гэхэд мөрийцсөн ч алдахгvй. За дээр нь автомашины ослоор амиа алдаж байгаа иргэдийнхээ тоог нэмвэл даанч эмгэнэлтэй тоо гарна. Уг нь бид энхийн цагт тэрдундаа ардчилсан оронд амьдарч байгаа санагдана. Vvгээрээ цээж дэлдэн бахархах хvн цөөнгvй.

Харамсалтай нь хөшигний ард , эгэл бор хvмvvсийн дунд байдал өөр байгаа юм биш vv. Зарим нэг нь хорджээ, нөгөө хэсэг нь хөлджээ, мөн тооны хvн живжээ гэж бодоход vvнээс амиа санаатайгаар хорлосон нь илvv олон байх юм билээ. Амьд явах сайхан. Хорвоод хvн болж мэндлэнэ гэдэг азтай хувь заяа. Тийм ч vvднээс хvн болж төрөхийг зvvний vзvvр дээр будаа тогтоохтой адилтгаж зvйрлэсэн байдаг. Хvн бvрт тохиогоогvй азаас шvvрч хорвоод мэндэлчихээд юунд өөрийн амийг егvvтгэнэ вэ.

Ингэж асуух нь уйлж байгаа хvнээс яагаад уйлсан юм гэж асуухтай ижил сонсогдож буй биз ээ. Сэтгэлзvйчид хандаж байгаа хvмvvсийн дийлэнх нь амьд явахаас гутарч байгаагаа, болдог бол амиа хорлож vхэхийг хvссэнээ хэлдэг гэсэн. Тэд ядуу зvдvv хамгийн гол нь шударга бус нийгэмд амьдарч байгаадаа гутардагаа нуудаггvй байна. Зарим нэг нь согтууруулах ундаа хэрэглэсэн vедээ энэ эмгэнэлт vйлдлийг хийдэг гэсэн. Мөн шашинтай холбоотойгоор амиа хорлох нь сvvлийн vед цөөнгvй байгааг хууль хяналтынхан хэлж байсан. Ямар ч байсан бид нэгнээ хайрлаж ойлгож, ухаантай амьдрахгvй юм бол цөөхөн хэдэн иргэдээсээ жил бvр хэдэн зуугаар нь хvссэн эс хvссэн ч “цааш” харуулсаар байх уу

Монголын мэдээ

Нийслэлд буй шатахуун тvгээх станцын 20 орчим хувь нь зөвшөөрөлгvй

admin — Wed, 11 Mar 2009 09:10:10 +0500

Зурагтын шинэ эцэс, 3, 4 дvгээр хорооллыг холбосон замын уулзварын хажуугийн дэнж дээр цэнхэр хашаа бариад удаж байна. Уг газарт "Алхан трейд" компани шатахуун тvгээх станц барьж байгаа аж. Харин УМХЕГ тэнд шатахуун тvгээх станц барихыг саяхан хориглож vйл ажиллагааг нь зогсоожээ. Тус компанийг мэргэжлийн байгууллагаас зохих зөвшөөрөл аваагvй гэдэг vндэслэлээр нэг сая төгрөгөөр торгож, энэ сарын 15-ны дотор газрын зөвшөөрөл болон бусад бичиг баримтаа шалгуулах даалгавар өгсөн байна. Мөн Хан-Уул дvvргийн дөрөвдvгээр хороонд байрлах 12 дугаар цэцэрлэгийн урд "Шунхлай" компанийн шинээр барьсан шатахуун тvгээх станцын vйл ажиллагааг зогсоосон аж. Vvнийг галын аюулгvй байдлын норм дvрэм зөрчиж, сургууль цэцэрлэгийн байгууллагын ойролцоо барьсан хэмээн vзэж хоёр сая төгрөгөөр торгожээ.

Одоо мөрдөж буй галын аюулгvй байдлын норм дvрмээр эмнэлэг, сургууль, цэцэрлэг, олон нийтийн байгууллагаас 150 метр, бусад тохиолдолд 50 хvртэлх метрийн зайнд шатахуун тvгээх станц барихыг хориглосон байна. Нийслэлд нийт 145 шатахуун тvгээх станц, нефтийн бvтээгдэхvvний 51 агуулах ажиллаж байгаа гэнэ. Нийт шатахуун тvгээх станцын 80 хувь нь мэргэжлийн байгууллагын зөвшөөрөлгvй байсан бол сvvлийн дөрвөн жилд 20 орчим хувь нь болж буурчээ. Өмнөх жилvvдэд жилд 30-40 шатахуун тvгээх станц шинээр баригддаг байж. Харин энэ жил шинээр баригдсан хоёр шатахуун тvгээх станц нь дээрх зөрчил гаргасан хэмээн УМХЕГ-ын мэргэжилтнvvд мэдээлж байна.

Хөдөө орон нутагт шатахуун тvгээх станц шинээр барих нь цөөхөн байдаг аж. Учир нь, зах зээл жижиг борлуулалт муу байдгаас тэр гэнэ. Мөн гадна нефтийн бvтээгдэхvvн хадгалах гурван агуулах хэд хэдэн шатахуун тvгээх станцыг бvрмөсөн хаажээ.
Тухайлбал, Амгаланд ундны усны эх vvсвэр дээр барьсан "Петровис" компанийн агуулах, "Мэргэн ван", "Маруни трейд", "Исэн трейдинг" зэрэг компанийн зөөврийн шатахуун тvгээх станцууд оров. Нийслэлд одоо таван газар л зөөврийн шатахуун тvгээгvvр ажиллаж байгаа аж. Энэ нь тухайн компанийн хөрөнгө мөнгөний бололцоогvйгээс болж vлдсэн бөгөөд ирэх жил гэхэд газар дор байрлуулж өөрчлөх болсон гэнэ.

Төр засгийн vйлчилгээний авто баазын шатахуун тvгээх станц ч багагvй хэл ам таталж байсан билээ. Учир нь, орон сууцны барилгаас ердөө 17 метр зайтай байсан юм. Ингээд энэ шатахуун тvгээх станцыг Баянбvрдийн тойргийн зvvн урд талд гаргаж барьсан байна УМХЕГ-ын дэд бvтцийн хяналтын улсын ахлах байцаагч Н.Уранчимэг "Энэ шатахуун тvгээх станц бууриа сэлгэснээр стандартад заагдсан норм журмын шаардлага хангаж зохих зөвшөөрлөө авсан. Байгууллагын дотоодын хэрэгцээний шатахуун тvгээх газрын мөрдөх норм журам өөр байдаг. Бид vvнийх нь дагуу vйл ажиллагаа явуулах зөвшөөрлийг нь олгосон. Харин гадны тээврийн хэрэгсэлд шатахуун худалдаж өөрийн хvчин чадлаас давсан vйл ажиллагаа явуулвал зохих арга хэмжээ авах ёстой" хэмээн мэдэгдэв. Шатахуун тvгээрийн газрыг тойрсон маргаан vvгээр зогсохгvй. Дутуу шахдаг, чанаргvй янз бvрийн хольцтой шатахуун зардаг гэсэн хэл ам байнга гардаг. Гэвч энэ талаар тодорхой дорвитой ажил хийсэн зvйл одоогоор алга

Ардчилал

Топ модель Э.Одгэрэл өөрийгөө өвчиж төрсөн охиндоо гоо сайхны "ЗАСВАР" хийлгэв

admin — Tue, 10 Mar 2009 13:32:17 +0500

Дөчин насны босго давсан ч загварын тайзаа чимсээр явж “Мөнхийн залуу” хэмээн өргөмжлөгдсөн топ модель Э.Одгэрэлийг баян эрчүүдээр тэтгүүлж амьдардаг гэж гоочилдог. “Энэ Одгэрэл юу ч хийхгүй мөртлөө гоо сайхандаа хэт анхаардаг, гэрт хоолны үнэр шингэнэ гээд гэртээ хоол хийдэггүй, хүүхдээ ч анхаардаггүй охиндоо аяга хоол ч хийж өгдөггүй эх хүнийхээ үүргийг биелүүлдэггүй гэнэлээ, тэгэхээр ийм байхгүя яадаг юм” гэж гэрээ сахиж үр хүүхдээ асардаг хүүхнүүд муулдаг. Гэвч Одгэрэл олны ярьдаг шиг эх хүнийхээ үүргийг умартаагүй яваа бололтой. Тэрээр сар шинийн өмнөхөн Эх нялхсын эрдэм шинжилгээний төвийн эрүү нүүрний гажиг заслын тасаг дээр охиноо авч иржээ.

Топ модель Одгэрэл өөрийгөө өвчсөн юм шиг рхинрр дагуулан гунхсаар орж ирсэн нь хэрэгт дуртай олныг хэсэгтээ хуйлруулж “Энэ Одгэрэл хөөрхөн охиндоо ямар “засвар” хийлгэх нь вэ” гэж нүд салгалгүй ширтэж байжээ. Загвар өмсөгч Одгэрэл энэ олон “нүдийг” үл тоон охиныхоо шүдэнд нь аппарат суулгуулж гоо сайханд нь анхаарсан гэнэ. Бэлтэй бэлчинтэй хүний зангаар Одгэрэл охиныхоо шүдийг янзалсан эмч бүсгүйн гарыг цөөнгүй ногооноор цайлгаад гарчээ. Одгэрэлийн ганц охин нь аав дээрээ голдуу байдаг, одоо 8-р ангид сурдаг бөгөөд ээж шигээ загвар өмсөгч болох мөрөөдөлтэй хүмүүс ч загвараар явбал ямар нэгэн юм дуулгана гэдэч аав нь зөвшөөрдөггүй гэнэ

busgui.mn

Г.Нарансолонго эрчүүдийн мөрөөдлийн бүсгүй гэдэгтээ итгэлтэй байдаг

admin — Tue, 10 Mar 2009 13:30:41 +0500

Х-Түц хамтлагийн залуу жүжигчдын нэг Г.Нарансолонго урлагт ухаангүй дурласан нэгэн гэнэ. Тэрбээр өөрийнгөө ийн тодорхойлжээ. Хүүхдийн ордны драмын дугуйлангаас эхэлсэн урлагийн амьдрал нь түүнийг олны танил болгож, хоолтой нь залгуулж яваа. Харин жүжигчний хувьд урлагаар хоолоо олж идэж байгаа төдий бус амьдралынх нь утга учир гэж дээдэлдэг. Жүжигчин бүсгүй саяхан нээлтээ хийсэн “Миний хөрш чөтгөр” кинонд бүтээсэн дүрээ өөртэйгээ их адилхан гэж дүгнэж байна. Тэгэхээр Г.Нарансолонго өөрийгөө амьдралын зорилготой, эрч хүчтэй, арвич хямгач, ажилсаг өөрөөр хэлбэл эрчүүдийн мөрөөдлийн бүсгүй гэдэгтээ итгэлтэй байдаг байх нь

Factnews.mn

ЖИЛД 100 ШАХАМ ТЭРБУМЫГ МЭДЭЖ ЗАРЦУУЛАГЧ ХЭН БОЛОХ БОЛ

admin — Tue, 10 Mar 2009 13:27:37 +0500

Иргэний нисэхийн дарга С.Батмөнхийг хангалтгүй ажилласан гэсэн үнэлгээ авсан өдрөөс нэлээд хэдэн хүний нойр хүрэхгүй хэцүүхэн байна. Учир юу гэвэл энэ салбарыг удирдаж байгаа хүн нэг жилийн хугацаанд 100 шахам тэрбум төгрөгийн өөрийн эрх мэдлийн хүрээнд захиран зарцуулдаг. Ийм их мөнгөний тоог сонсоход ч чих шуугимаар. Хэн гэдэг дарга хэдий хэмжээний мөнгийг эрх мэдлийнхээ хүрээнд захиран зарцуулна тэр төдий хэмжээгээр үнэлэгдэх эрх мэдэл, унац ашигтай байдаг нь хэнд ч нууц биш болсон энэ нийгэмд энэ их мөнгөтэй холбоотой албан тушаал хүн бүхний арааны шүлсийг асгаруулах нь мэдээж хэрэг.Иргэний нисэхтэй нэр холбогдож, тогоотой шөлөнд нь хошуу дүрэх магадлалтай хүмүүсийн нэрс захаасаа тодорхой болж байна. МИАТ болон Иргэний нисэхийн ерөнхий газарт удирдах албан тушаалд ажиллаж байсан Х.Наранхvv, Х.Александр, Б.Баатарсvрэн, Т.Батбаяр, О.Нацагдорж нарын нэрс энэ жагсаалтыг тэргүүлж байгаа бөгөөд хамгийн магадлалтай нь Х.Александр гэх мэдээлэл ч бас байна

Factnews.mn

МАРТЫН НАЙМНЫ ШӨНӨ 13 ЭМЭГТЭЙ ГЭР ОРОН, ОЛОН НИЙТИЙН ГАЗАР ТАНХАЙРЧЭЭ

admin — Tue, 10 Mar 2009 13:22:54 +0500

Нийт 21 эмэгтэй эрүүлжүүлэх байранд хүргэгдснээс 8-ыг нь ар гэр асран хамгаалагч нарт нь хүлээлгэн өгчээ. Өөрөөр хэлбэл төмөр замын цагдаагийн хэлтсийн эрүүлжүүлэх байранд мартын наймны шөнө 13 эмэгтэй гэр орон, олон нийтийн газар танхайрч эд хогшил эвдсэн, ээжийгээ зодсон гэх шалтгаанаар албадан эрүүлжүүлэгдэж хоносон байна. Эдгээр эмэгтэйчүүд баяраа тэмдэглэн наргиж яваад сархдаа хэтрүүлэн сайн дурын солиорол гэгдэх согтуугаар ар гэрийнхэндээ агсам тавьж нөхөр хүүхдээ айлган сүрлүүлж эцэстээ эрүүлжүүлэх байранд хүргэгддэг гэж байсан. Өнгөрсөн шөнө эрүүлжүүлэгдэн хоносон 13-н эмэгтэй гудамж талбайд биеэ авч явах чадваргүй болсон болон дээрхи шалтгааны улмаас саатуулагдсан байна. За төмөр замын цагдаагийн хэлтсийн эрүүлжүүлэх байрны хувьд улсын хэмжээн дэх согтууран танхайрсан бүх эмэгтэйчүүдийг хүлээн авдаг ганц байр. Нэг шөнө гэхэд л эмч, эрэгтэй, эмэгтэй цагдаа, үйлчлэгч гэсэн 4-н албан хаагчийн бүрэлдэхүүнтэй хөл дээрээ тогтохоо больсон эмэгтэйчүүдийг асран хонодог тухай хэлсэн. Саатуулагдан ирж байгаа иргэд ихэвчлэн 19-37 насны бүсгүйчүүд байдаг байна. Тус хэлтсийн эрүүлжүүлэх байрыг өмнөх жилийн энэ өдөртэй харьцуулахад ачаалал багассан хэдий ч энгийн өдрийг бодвол эмэгтэйчүүдийн баяраар ачаалал 2 дахин нэмэгджээ.

TB5 tv

БААСАН АХЫН ТӨРСӨН ӨДРИЙГ ЭМЧ НАР ХАР ӨДӨР ГЭЖ НЭРЛЭДЭГ

admin — Tue, 10 Mar 2009 13:20:50 +0500

Өнгөрсөн 2008 онд гэмтэл согог судлалын үндэсний төвд хүнд хөнгөн гэмтэж бэртсэн 60 гаруй мянган хүн хандсан байдаг тоо баримт байна. Өдөртөө 1000-1500 хүн энэ эмнэлэгт ирдэг бол үүний цаана хандаагүй хүмүүс ч бас бий. Улаанбаатар хот сая илүү хүн амтай гээд тооцоход энэ тоо бусад улстай харьцуулахад өндөр үзүүлэлт гэнэ. Аравдугаар сараас хоёрдугаар cap хүртэл энэ тоо харьцангуй бага байдаг. Гуравдугаар сараас дахин ихэсдэг гэнэ. Тэр ч байтугай долоо хоногийн баасан гарагт энэ тоо огцом өсдөг юм байна. Тиймч учраас залуусын баасан ахын төрсөн өдрийг эмч хар өдөр гэж нэрлээд байгаа гэнэ

Factnews.mn

Монгол банкны Чулуунбатад холбогдох шүүх хурал дахин хойшлогдлоо

admin — Tue, 10 Mar 2009 13:19:00 +0500

Өнгөрсөн 2 сарын 19-ний өдөр болох ёстой байсан УИХ-ын гишүүн Чулуунбатын шүүх хурал өнөөдөр ахиад хойшлогдлоо. Шинэ өмгөөлөгч авсан, хэргийн материалтай танилцаж амжаагүй байна, УИХ-ын гишүүний бүрэн эрхээ түдгэлзүүлж байж шүүх хуралд оролцоно гэсэн түүний хүсэлтийг шүүх хүсэлтээр болгосон. Харин өнөөдөр Чингэлтэй дүүргийн шүүх дээр хэлэлцэх ёстой байсан шүүх доорхи шалтгааны улмаас дахиад хойшлогдлоо. УИХ-ын гишүүний бүрэн эрхийг нь түдгэлзүүлэхгүйгээр шүүж болно гэж шүүх үзсэн учраас түүний бүрэн эрхийг түдгэлзүүлээгүй хэвээр үлдээсэн. Монгол банкны захирлын албан тушаалыг хашиж байх хугацаандаа албан тушаалаа хэтрүүлэн ашигласан, бусдын эд хөрөнгийг завшсан хэргээр түүнд 5-10 жилийн хорих ялтай эрүүгийн хуулийн 153, 264-ийн 2-оор ял төлөвлөөд байсан. Өөрөөр хэлбэл эрх мэдлээ хэтрүүлэн ашиглаж АНУ-ын 61 настай Жорж Чайлмерсын Монголын нутаг дэвсгэр дээр байгуулсан Стоунле интернэшнл компанид 35 тэрбум гаруй төгрөгийг хууль бусаар оруулж завшсан хэрэгт холбогдоод байгаа. Энэ хэрэгт холбогдсон АНУ-ын иргэнд ч мөн адил бусдын эд хөрөнгийг завшсан гэсэн зүйл ангиар ял төлөвлөөд байсан. Анх шүүх хурал зарлагдсан өдөр л бүрэн эрхээ түдгэлзүүлнэ, шинэ өмгөөлөгч авна гэснээр хурал хойшлуулж чадсан тэрээр энэ удаагийн шүүх хурлыг ч хугацаанд нь хийлгэсэнгүй.

Factnews.mn

ЦААТНУУД ЗАХ ЗЭЭЛИЙГ ХЭТЭРХИЙ САЙН МЭДЭРЧЭЭ

admin — Tue, 10 Mar 2009 13:16:25 +0500

Өөрсдийн амьдралын хэмнэл, зан заншилаараа хэний ч анхаарлыг өөрийн эрхгүй татах үндэстэн бол цаатан. Мөхөж, устахын ирмэг дээр байна гэгдэж байгаа цаатан иргэдийн амьдрал зах зээлийн шуурганы эхэн үед хамгийн хэцүү байсан. Харин өдгөө төр засаг, төсөл хөтөлбөр хэрэгжүүлэгчдийн буянаар амьдрал, ахуй нь дээшилсэн. Гэлээ гэхдээ цаг агаарын хатуу ширүүнийг давж, байгалийн шалгарал дунд амьдарч байгаа энэ үндэстнийг дулаан байшинд амьдардаг төв суурин газрынхантай зүйрлэхийн аргагүй. Тэдний орлогын эх үүсвэр нь өөрсдийгөө болон, цаа, урцаа байгалийн үзвэр болгох байдаг. Тиймдээ ч тэд хэн дуртай хүнд үнэ хөлсгүйгээр энэ бүхнийг үзүүлж зураг хөргөө татуулахгүй. Та үндэсний цөөнхийн амьдрал ахуйтай холбоотой зураг авахыг хүсвэл тэдэнд 3000 төгрөг, урцанд хонож үзэхийг хүсвэл 5000 төгрөг төлөх хэрэгтэй. Төлбөрөө хийхгүй сэргэлэнтэх гэж оролдвол тэд таны толгойг эргэтэл загнаж чадах “танхай” хүмүүс

Factnews.mn