Өнгөрсөн жил дэлхий нийтийг хамарсан эдийн засгийн их хямралын улмаас Чех улсад ажиллаж амьдарч байсан гадаадын иргэд ажилгүй болж, амьдрал нь хүндэрсэн билээ.
Чехийн Засгийн газраас тэднийг гэмт хэрэгт орохоос урьдчилан сэргийлж, сайн дураар нутаг буцсан цагаачдад онгоцны тасалбар, тодорхой хэмжээний халаасны мөнгө өгөх шийдвэр гаргасан. Энэ оны хоёрдугаар сараас долдугаар сарын хооронд хил давсан иргэд тасалбараас гадна том хүн 717, хүүхэд 358 доллар авсан бол долдугаар сараас 12 дугаар сард нутаг буцсан том хүнд 430, хүүхдэд 215 доллар олгосон байна.
Энэ арга хэмжээ 12 сарын 15-нд дууссан бөгөөд 2000 гаруй гадаад иргэн гэртээ харьжээ. Үүнээс хамгийн олон нь буюу 1342 нь манай улсын иргэд байна.
inet.mn