Hotel4box илгээмж

Хэрвээ та эсвэл танай байгууллага гадаадаас худалдан авалт хийгээд бараагаа Монгол руу хямдаар хүргүүлэх бол бид танд Hotel4box үйлчилгээгээ санал болгож байна. 

Юуны түрүүнд манай ачааны бүртгэлийн системд бүртгүүлэн өөрийн шуудангийн хайрцаг буюу мэйлбокс дугаараа (үнэгүй) авах ёстой.

Хаяг нь: www.hotel4box.com

Хэрхэн ашиглах заавар нь https://www.facebook.com/watch/495013280512726/320980362062077 

Нэгэнт бүртгүүлсэн бол бараа илгээх хаягаа өөрийн мэйлбокс оруулан манай аль нэг салбар луу илгээнэ (Hotel4box.com дээр харагдаж байгаа). Дахин хэлэхэд та мэйлбокс дугаараа манай Hotel4box.com сайт бүртгүүлэн авна. Нэвтрэн орсны дараа манай салбарын хаягууд дотор таны мэйлбокс дугаар харагдана. 

Манай руу илгээгдсэн ачаагаа хэзээ бид хүлээж авсаныг, хэзээ Монгол руу гарсаныг, хэзээ Монголд буух түүнчлэн ачааны жин, ачаагаа салгах/нэгтгэх, илгээлтийн төлбөр тооцоогоо Hotel4box дээр та өөрөө хянана.

Аль нэг сайт дээр худалдаа хийнгүүтээ барааны болон хүлээн авагчийн (Монгол дахь) мэдээллээ Hotel4box дээр үүсгэж оруулна.

Анхаарах зүйлс

♦ Манайх захиалгын сонин сэтгүүл тээвэрлэхгүй. Сурталчилгааны сонин сэтгүүлийг мөнгө төлсөн захиалгын сонин сэтгүүлээс ялгаж мэдэх боломжгүй учир та ямар нэг хэвлэл захиалж болохгүй.

♦Терроризм болон бусад гэмт хэргээс сэрэмжлэх үүднээс бид ачаа бүрт шалгалт хийнэ.

♦Ачаа манай аль нэг салбар дээр ирсэнээс хойш бүртгэгдэж манай систем руу ортол 24-48 ажлын цаг болно. DE салбар бол 48-72 ажлын цаг

♦Ачааны минимум төлбөр 1кг-р бодогдоно. Хэрвээ та кг хүрэхгүй жижиг ачаа авч байгаа бол өөр ачаатай нэгтгэж нэгдсэн жингээс нь тээврээ бодуулах боломжтой. Нэгтгэх/салгах хүсэлтээ та өөрөө Hotel4box дээр үүсгэнэ. Ачааны тариф, нэгтгэх үнэ нь салбар бүрт өөр. 

♦Мэйлбокс бичээгүй мөн урдчилан мэдүүлэг хийгээгүй ачааг дахиж процесс хийх $5 эсвэл EUR5

Тээврийн Даатгал

Олон улсын шуудангийн жишгээр тээвэрлэгдэж байгаа ачаанд бидний хариуцлага зөвхөн $60 хүртэл байна. Хэрвээ та үнэ бүхий зүйлс тээвэрлүүлэх гэж байгаа бол бараагаа АНУ-с гарахаас өмнө даатгал авах хэрэгтэй. 

Шуудангийн Ачааны тариф

Los Angeles - Ulaanbaatar : 3451 W 8th St, Los Angeles CA 90005

Delaware - Ulaanbaatar: 330 Robinson Ln, Wilmington DE 19805 

Ямар ч сайтаас APPLE iPHONE  брэндийн утас уг Delaware салбарт хүлээж авахгүй болно. Apple iPhone бараа авах бол зөвхөн Los Angeles болон New Jersey руу явуулж болно. Бусад Apple бараа илгээж болно. 

New Jersey - Ulaanbaatar:  55 Triangle Blvd Unit B. Carlstadt, NJ, 07072

♦ Таны ачаа жинтэйгээ харицуулахад овор нь их бол эйрлайн биднээс тухайн ачааг жингээр нь биш овроор нь бодож авдаг. Эйрлайнуд ачааг овроор эсвэл жингээр явах эсэхийг тооцоолохдоо доорх 2 хэмжигдэхүүний аль ихээр бодно. 

   a) ачааны өөрийн жин КГ-аар

   б) Эзлэхүүнийг (Урт_см x Өргөн_см x Өндөр_см = Эзлэхүүн cm³) 6000-д хуваагаад гарсан тоо. Хэрвээ инчээр эзлэхүүн бодсон бол 366-д хуваана

Нэмэгдэл үйлчилгээний хураамжууд:

♦ Ачаандаа та нэмэлт боолт хийлгэх, дахиж боолгох бол ажиллагаанаасаа хамаарч $30/цаг. Хэрвээ боолт нь тусгай материал шаардагдах бол тухайн зардал нь нэмэгдэнэ. Машины мотор, тоног төхөөрөмжийн боолт энэ тарифт орохгүй.

♦ Хэрвээ та ачаагаа манай салбар дээр ирсэний дараа фото зургийг нь харах хэрэгтэй бол: 3ш зураг- $5

♦ Манайд ирсэнээс хойш 14 хоног хэтэрвэл агуулахын төлбөр (Storage charge) бодогдоно. 

Ачаа Монголд хүрэх хугацаа

Air Express ачаа 2 хоногт УБ-т бууж байна

Энгийн агаарын ачаа 3-7 хоногт УБ-т бууж байна

Гаалийн хугацаа 1-2 ажлын өдөр 

Доорх зүйлсийг бид агаараар тээвэрлэхгүй болно

Эрүүгийн Хуулиар хориглосон зүйлс

Зүйл 1. Хор болон хордуулах материалууд, жишээ нь шавьжны хор, химийн элемент Талли (TI) , Арсен (As), Цианид нэгдэл г.м.

Зүйл 2. Мансууруулах бодис. Опиум (цэцэг, навч, үр) морфин, кокеин, героин, марихуана г.м

Зүйл 3 Бусдад дамжуулах, хүргэхийг хуулиар хориглосон зүйлс. Галт зэвсэг болон түүний эд ангиуд, дагалдах хэрэгсэл, дуураймал галт зэвсэг, сум, дарь, хутга, бүх төрлийн тэсэрч дэлбэрэх зүйлс

Зүйл 4. Бусдыг өдөөн хатгасан, турхирсан, мөн зүй бус мэдээлэл, садар самуун сурталчилсан сонин сэтгүүл, зураг хэвлэлүүд, дуун болон дүрс бичлэгүүд

Олон улсын агаарын тээврийн дүрмээр хориглосон зүйлс буюу нисэхийн аюулгүй байдалд нөлөөлөн улмаар хүн ардын эрүүл мэнд, өмчид аюул учруулж болзошгүй зүйлс.

Зүйл 1. Тэсэрч дэлбэрэх зүйлс

Зүйл 2. Шахсан хий,хуурай мөс ,гал унтраагч,хийлсэн бөмбөг,хорт утааны баг,автомашины хийн дэр,савтай агааржуулагч,асаагуур,чийдэнгийн шил, бутан, пропан, хүчилтөрөгч г.м.

Зүйл 3. Шатамхай бодис. Үүнд будаг, бензин, архи, моторын тос, камферийн тос, шингэлэгч, давирхай, үнэртэй ус, шавьжнаас хамгаалагч тос шингэн хий, цацдаг агаарын үнэртүүлэгч

Зүйл 4. Хатуу шатагч. Устай урвалд орж шатамхай хий гаргагч бодисууд, жишээ нь хуурай фосфор, нунтаг титаниум, нунтаг магнезиум г.м.

Зүйл 5. Хортой болон халдвартай зүйлс, жишээ нь шавьжны хор, литиум зай, мөнгөн ус

Зүйл 6. Идэмхий, зэвруулэгч бодисууд. Зай, электролит,хүчил, шүлт,аккумуляторын цэнэг

Зүйл 7. Соронзтой зүйлс. Хамгаалагчгүй боосон соронз, соронзтой ган төмөр. Бусад хүчтэй соронз агуулсан эд бараа жишээ нь мөнгөн тэмдэгт танигч, чанга яригч өсгөгч спикер г.м

Зүйл 8. Нийтийн эрүүл мэндэд нөлөөлөх зүйлс. Үхсэн амьтны хүүр, яс (үнс болгосон орно), боловсруулаагүй арьс, боловсруулаагүй амьтны яс

Зүйл 9. Исэлдэгч, органик пероксид, цацраг идэвхт материал, идэмхий бодисууд, эмнэлгийн болон химийн лаборторийн бодисууд

Зүйл 10. Нунтаг (өнгө харгалзахгүй), шингэн (баглаа боодол харгалзахгүй), аюултай гэж савлагаан дээрээ тэмдэг тавигдсан бүх бараа бүтээгдэхүүн

Зүйл 11. Биохимийн бүтээгдэхүүн

Газрын Ачаа

Мөн та манай далайн ачааны үйлчилгээг ашиглан дунджаар 60-90 хоногт ачаагаа хүлээн авах боломжтой. Далайгаар явах жижиг түүвэр ачааны хязгаар 35кг бөгөөд нэмэгдэл кг тутамд $1 болно.

Далайн ачаа явуулахдаа LA салбар луу илгээх бөгөөд Hotel4box дээр мэдүүлэг хийхдээ газрын ачаа (ocean) гэсэн нүдийг чагтлаж тэмдэглэнэ. 

--------------------------------